Dön’ya matbuğatına küzätü 04.03.2021

Franŝiyada çığuçı “Libération” gazetı yazğança Franŝiyada Kovid-19 çaraları qısalarında yaña qararlar qabul itelde. Xäbärgä kürä atna azaqlarında uramğa çığu tıyuı ğamäldä bulaçaq berdänber şähärneñ Franŝiyaneñ iñ tön’yağında urnaşqan Pa-de-Kale buluı kötelä.

France 24 televideniyese citkergänçä Xalıqara Cäza mäxkämäse Fälästn cirlärendä başqarıluı äytelgän xärbi cinayät’lär belän bäyle tikşerü başlattı.

“Le Soir” basması Franŝiyaneñ êlekke ilbaşı Nikolya Sarkozineñ süzlären uquçıları belän urtaqlaşa: “Säyäsätkä kire qaytırğa uylamıym.”

İspanyaneñ “El País” gazetı beldergänçä Awrupa Berlege däwlät tarmağında waqıtlıça bularaq êş belän täêmin itüne azaytuı mäs’äläsendä İspaniyağa basım yasıy.  

Boliviyada basıluçı “El Diario” basması xäbärenä kürä ber köndä ilneñ törle urınnarında 28 keşeneñ ayanıç räweştä yaqtı dön’yadan kitüennän qayğılı. 

Çilineñ “La Tercera” gazetı yazğança Amerika Quşma Ştatlarınıñ Texas häm Mississipi ştatlarında bitlek kiyü mäcbüri bulmayaçaq. 

“Elqudus” basması Ğaräp Ligası ğomüm särqätibe Äxmät Aboul Geytnıñ tübändäge süzlärenä urın birä: “Ğaräp illäre Fälästin mäs’äläse belän qızıqsınuçı här Amerikan citäkçelegenä uñay qarayaçaq.”

Deutsche Welle media oyışması beldergänçä Germaniyada pandemiya arqasında 25 meñ şirkät bankrot bula ala.  

Alman telendäge Bild.de internet säxifäse citkergänçä Germaniya Kanŝlerı Angela Merkel’ Kovid-19 çikläwlären 28 martka qadär ozınayttı.

“Frankfurter Allgemeine Zeitung” basması xäbär itkänçä Şveŝiya poliŝiyase kiçä oyıştırılğan pıçaqlı höcümdä terrorçılıqtan şöbhälänä.

Lenta.ru xäbär säxifäse yazğança AQŞ ilbaşı Djo Bayden Qırım häm Ukrainadağı waqıyğalar belän bäyle bularaq 2014 yılda Rusiyägä qarata qullanılan çikläwlärneñ waqıtın ber yılğa ozınayttı.  

“Kommersant” gazetı beldergänçä koronavirus immunitet sisteması zäğıyf’ bulğan xastalarda ozaq waqıt qalıp, mutantlar barlıqqa kiterä ala.

“Tatar-inform” mäğlümat agentlığı citkergänçä Çallıda Näzarät kuboğına tatar milli köräşe häm qul köräşe buyınça turnir uzaçaq.