Dön’ya matbuğatına küzätü 08.01.2021

İspaniyäneñ “La Vanguardia” gazetı yazğança, il cämäğat’çelegeneñ yartısınnan artığı tağın da kübräk çikläwlär kertelüen yaqlıy häm Kovid-19 vakśinasınıñ normal’läşüne täêmin itäçägenä şöbhälänä.

Meksikanıñ “El Universal” gazetı AQŞnıñ Meksikadağı ilçese Kristofer Landaunıñ Vaşingtondağı senat basqını waqıyğasına qarata fikeren yaza. Ul: “Bu waqıyğa säyäsi mädäniyätebez häm qıymmätlärebezne kürsätä,”-dide.

Argentinanıñ “Clarín” basması citkergänçä, Rusiyäneñ Kovid-19 vakśinasınıñ ike dozasın da yasatqan argentinalı şäfqat’ tutaşı qabat koronavirus yoqtırğan. Monıñ säbäbe tikşerelä.  

Ğaräp telle matbuğat çaralarınnan “Eldostour” xäbär itkänçä, Bötendön’ya sälamätlek saqlaw oyışması Angliyädä mutaśiyä kiçergän Kovid-19 töreneñ 22 Awrupa däwlätendä kürelüen beldere.

“Elraya” citkergänçä, Katar hawa yulları Soğud Ğaräbstanı hawa kiñleklärennän oçışlarnı qabat başladı.

“Elqudus” gazetı AQŞ ilbaşı Donal’d Trampnıñ Kongress binasındağı köç qullanularnı tänqıyt’läwen häm wazıyfa tapşırunıñ tärtip belän uzaçağına süz birüen yaza.

Germaniyäneñ “Süddeutsche Zeitung” gazetı AQŞ ilbaşı Donal’d Trampnı wazıyfasınnan töşerü öçen ber-ber artlı çaqırular yasaluın xäbär itä.

“Deutsche Welle” gazetı citkergänçä, AQŞnıñ yaña saylanğan ilbaşı Djo Bayden Kongress binasınıñ Tramp yaqlılar tarafınnan basıluına Trampnı ğayeple itep kürsätte. Demonstrantlarnı ul “cirle terrorçılar” dip atadı.

Tagesschau.de säxifäse Germaniyädä êlektrlı maşina satuda, uzğan yıl belän çağıştırğanda, 206%qa artu küzätelüen xäbär itä.

Rusiyäneñ “İzvestiya” gazetı  yazğança, AQŞ wäkillär palatası räise Nênsi Pelosi Kongress binasına höcümne Tramptan Putinğa büläk bularaq bäyäläde.

Ria Novosti agentlığı citkergänçä, Ukrainada Kovid-19nıñ taralu qurqınıçına çik quyu öçen 8nçe ğıynvardan başlap qatğıy karantin kertelä.

Franśiyäneñ “Le Figaro” gazetı xäbär itkänçä, ilneñ kön’yaq-könbatış töbäklärendä qoş grippı açıqlanğan ferma sanı ike tapqır arttı.

“Le Monde” gazetı AQŞta Kongress binasındağı waqıyğalarnı “skandal” bularaq bäyälägän Trampnıñ wazıyfasın problemasız tapşıraçağı turında yaza.

Tatarstannıñ “Tatar-inform” mäğ’lümat agentlığı yazğança, “Kamaz” êkipajın Dakar ralliyendä ştrafqa tarttılar häm ul 5nçe turdağı ciñüen yuğalttı.