Dönya matbuğatına küzätü 23.08.2017

Azärbaycannıñ “Trend” basması “Ärdoğan: Süriyäneñ tön’yağında güyä däwlätne hiç tä tözettermibez” dip atalğan yazmasında Törkiyä İlbaşı Räcäp Tayyip Ärdoğannıñ Süriyädä güyä ber terror däwläteneñ tözelüenä hiç röxsät birelmäyäçägen äytkän süzlären citkerä:

“Ärdoğan: "Süriyädä qorılırğa telängän terror däwläteneñ yulın özäçäk adımıbıznı yasap, “Färat qalqanı” xäräkäten ütkärdek. “PYD/YPG” terror oyışmasına güyä däwlät tözettermibez, tözettermäyäçäkbez. Qayberäwläre körd däwläte dip äytä, min bolarnı körd qardäşläremgä xäqarät bularaq qabul itäm. Süriyädä başqa ber däwlätkä hiç tä röxsät birmäyäçäkbez. Bu watannı (Törkiyäne) bülergä tırışuçılarğa bez här yaqnı käber itärbez,” – dip äytte.”

Amerika Quşma Ştatlarınıñ “Tyorkish Amerikan web” (Turkish American) portalı “Prem'yer-ministr Yıldırım Singapur investorları belän oçraştı” isemle yazmasında Törkiyä Premyer-ministr Binali Yıldırımnıñ Singapurda baylıqları 550 milliard dollarğa citkän firmalarnıñ wäkilläre belän oçraşqan cıyılışta Törkiyädäge kapital salu mömkinleklären añlatuın yaza.

Rusiyäneñ “Sputnik” agentlığı “Premyer-ministr urınbasarı Işık: Germaniya Törkiyädäge üzgäreşne uqıy almıy” dip atalğan yazmasında Törkiyä Prem'yer-ministr urınbasarı Fikri Işıknıñ, Törkiyä bularaq Germaniya belän mönäsäbätlärgä ähämiyät birülären assızıqlap, Berlinnıñ Törkiyädäge üzgäreşlärne kürä almawına basım yasawın citkerä.

İrannıñ “Fars” xäbär agentlığı “Törkiyä Ğomum ştab başlığı yaqın waqıtta İranğa kitä” isemle yazmasında İran ğomum ştab başlığı general Möxämmäd Bakırineñ Törkiyä Ğomum ştab başlığı armiya generalı Hulusi Akarnıñ yaqın waqıtta Tähranğa säfär yasayaçağın äytüen belderä.