Dön'ya matbuğatına küzätü 26.07.2017

Amerika Quşma Ştatlarınıñ “Bloomberg” basması “Törkiyä Rusiyä raketalarına yünälgän bulsa, Ärdoğan Germaniya häm NATOğa möräcäğät itte” dip atalğan yazmasında İlbaşı Räcäp Tayyip Ärdoğannıñ Törkiyäneñ Rusiyä belän alıp barğan NATO sistemalarına täñgäl bulmağan S-400 raketa saqlanu batareyaların satıp alu söyläşüläre mäs’äläsendä Amerika Quşma Ştatlarınıñ borçıluların kire qağuın häm Amerika Quşma Ştatlarınıñ Süriyädäge terror törkemnäre belän urtaqlıq tözüen gäyepläp, kileşüneñ alğa taba baraçağın äytüen belderä:

“Awrupa Berlege illäreneñ üzenä söyläw xoquqın birmäwlären dä tänqitläwçe Ärdoğan: “Törkiyä İlbaşınıñ häm ministrlarınıñ ilegezdä çığış yasawın totqarlıysız, fäqät agentlarığız biredä telägänçä yörep, qunaqxanälärgä kiläçäk häm minem ilemne büläçäk. Bu hiç tä bulmayaçaq. Möstäqillek xoquqlarıbızğa xörmät kürsätersez, ğadel häm tigez şartlarda urtaqlar, duslar häm berlektäşlär bulırsız yäisä här ixtiramsız xäräkätegezneñ cawabın alırsız”, - dip äytte.”

Amerika Quşma Ştatlarınıñ “Tyorkiş Amerikan” web säxifäse “Demokratik oppoziśiya belän terrorçılıqnı yaqlawçılarnı ayırıp qararğa tiyeşbez” isemle yazmasında Törkiyä Tışqı êşlär ministrı Mäwlüt Çavuşoğlunıñ Bryussel’dä ütkärelgän Törkiyä-Awrupa Berlege yuğarı däräcäle säyäsi dialog cıyılışınnan soñ oyıştırılğan matbuğat oçraşuında: "Jurnalist tanıqlığına iyä bulu – härtörle cinayätne yasawnı legal’ qılmas yäki başqa ber hönär iyäse dä bula ala. Xain tüntäreleş kereşüeneñ êçendä bulğan häm şuşı tüntäreleş omtılışına aktiv räweştä yärdäm itkän kem genä bulmasın, jurnalist, ğaskäri, poliśiya, säyäsman, ayırması yuq, barısı da ber ük, bersen başqasınnan ayırıp qarıy almıybız. Şuña kürä çın demokratik oppoziśiya belän terrorçılıqnı yaqlawçılarnı ayırıp qarıy almasaq, ul çaqta problema şunda başlar. Bu mäs’älälärdä härtörle mäğlümatne Awrupa Berlegenä birergä, mäğlümat belän urtaqlaşırğa äzer bez, bügengä çaqlı yasağanıbız kebek monnan soñğı barışta da başqarırbız”, - dip äytkän süzlären citkerä.

Azärbaycannın “Trend” basması “İbrahim Qalın Awrupanı häm Germaniyanı kisätte” dip atalğan yazmasında İlbaşı idaräse süzçese İbrahim Qalınnıñ “Daily Sabah” gazetında çıqqan mäqaläsendä soñğı waqıtlarda Törkiyä belän Germaniya arasında yäşängän problemalar belän bäyle bularaq: “Törkiyägä kilgän yäki ilebezdä êşçänlek başqaruçı Germaniya häm başqa il watandaşlarına qarşı nindi dä bulsa ber yanaw yuq. Ber alman watandaşınıñ saq astına alınuı waqiğası (waqıyğası) qanuni ber mäs’älä häm bu ölkädä soñğı qararnı barı tik mäxkämälär qabul itä ala. Ayıruça alman şirkätläre belän bäyle qara isemlek yuq”, - dip belderüen yaza.

Rusiyäneñ “Sputnik agentlığı “Awrupa Berlege räsmiye Mogherini Törkiyägä qarata tağın da kisken totışta toru çaqırularına qarşı çıqtı” isemle yazmasında Bryussel’dä yasalğan Awrupa Berlege tışqı êşlär häm iminlek säyäsätläre yuğarı wäkile Federika Mogherineñ güyä häm uydırma keşe xoquqların bozu oçraqları sıltawı belän Törkiyägä qarata tağın da kisken totışta toru çaqırularına qarşı çığuın xäbär itä.