Dön'ya matbuğatına küzätü 19.07.2017

Amerika Quşma Ştatlarındağı “Tyorkiş amerikan web portalı” “Törkiyä çige buyında terror däwläteneñ tözelüenä hiç röxsät birmäyäçäk” dip atalğan yazmasında Milli İminlek şurası cıyılışınnan soñ yasalğan belderüdä: “Qayber berlektäş illärneñ “PYD-YPG” terror oyışmasına birgän qorallarnıñ “PKK” terror oyışmasınnan alınuına basım yasaluın yaza häm Törkiyäneñ kön’yaq çigendä Süri̇yä häm Ğiraq (Ğıyraq) bäyläneşle yanaw bilgelängän häm tınıçsızlandıru belän höcüm xasil bulğan oçraqta xalıqara xoquq qısalarında zarur bulğannıñ başqarılırğa däwam iteläçägeneñ belderelüen assızıqlıy.

Angliyanıñ “Royters” xäbär agentlığı “Ärdoğan 23nçe-24nçe iyül’dä Farsı qultığı säfären planlaştıra” isemle yazmasında Törkiyä İlbaşı Räcäp Tayyip Ärdoğannıñ Qatar belän Farsı qultığı illäre arasındağı krizisqa çişeleş tabu öçen yasayaçaq Farsı qultığı säfäre turında mäğlümat birep uza.

Rusiyäneñ “Ria Novosti” räsmi xäbär agentlığı ““Gazprom” yıl başınnan birle Törkiyägä tabiği gaz qudıruın 22% külämendä arttırdı” dip atalğan yazmasında Rusiyäneñ “Gazprom” ênergetika şirkäteneñ 2017nçe yılnıñ 1nçe ğinwar belän 15nçe iyül’ aralığında Törkiyägä tabiği gaz cibärüen monnan aldağı yılnıñ şul uq çorına qarağanda 22% külämendä arttıruı turındağı xäbärne citkerä.

İrannıñ “İRNA” räsmi xäbär agentlığı “Kipr söyläşüläreneñ çişelmäwçänlegennän Kipr grek tarafı cawaplı” isemle yazmasında Törkiyäneñ Greśiyanı häm Kiprnı çiktän tış taläplär belderüdä häm söyläşülärne çığa almaslıq yulğa êtärüdä gäyepläwen belderä.