د امریکا دفاع وزارت ویلي، له عراقه د خپلو ځواکونو د ایستلو پلان نه لري.
امریکا: د عراق نه د ځواکونو د ویستو پلان نه لرو
د امریکا دفاع وزارت ویلي، له عراقه د خپلو ځواکونو د ایستلو پلان نه لري.
د پنټاګون ویاند برید جنرال پاټریک رایډر په ورځني خبري کنفرانس کې د خبریالانو پوښتنې ځواب کړې.
"زه دم ګړۍ د عراق نه د ځواکونو د ویستو د کوم پلان په اړه خبر نلرم." رایډر وویل چې دوی د داعش ترهګرې ډلې پر خلاف د عملیاتو ګډ کاري ځواک ماموریتونو باندې تمرکز ته دوام ورکوي ، کوم چې د داعش سره د مبارزې په چوکاټ کې رامینځته شوی.
رایډر اشاره وکړه چې دوی د عراق د حکومت په بلنه په سیمه کې وو.
په راپور کې ویل شوي چې "ابو تقوا السعدي" د النجبا د غورځنګ یو مشر، د شیعه ملېشو ځواک چې له حشد الشعبي سره تړاو لري، د جنورۍ په څلورمه په بغداد کې د امریکا په هوايي برید کې ووژل شو.
د عراق حکومت ددې برید پړه د داعش ترهګرې ډلې پر وړاندې د امریکا په مشرۍ په ائتلافي ځواکونو واچوله.
د عراق لومړي وزير محمد شیاع السوداني د جنورۍ په پنځمه په خپله وينا کې په بغداد کې د حشد الشعبي پر مرکز د امريکا بريد وغانده او ويې ويل: د حکومت په توګه موږ له عراقه د داعش پر خلاف د مبارزې په موخه د جوړ شوي ائتلاف د ویستو په خاطر د دوه اړخيزو کمېسيونونو د پيلولو په حال کې یو."
هغه وویل چې په هیواد کې نور امریکايي ځواکونو ته اړتیا نشته.
اړوند خبرونه
د روسیې ولسمشر ولادیمیر پوتین د پنځم ځل لپاره د ولسمشر په توګه په رسمي توګه لوړه وکړه.
پوتین د پنځم لپاره د روسیې د ولسمشر په توګه خپل دنده په رسمي توګه پيل کړه