حوثیانو په یمن کې د امریکا یوه پرمختللې بې پیلوټه الوتکه وویشتله
په یمن کې حوثیان پر غزې د اسرائیلو د بریدونو په غبرګون کې، د سور سمندرګي په سیمه کې د اسرائیلو ، امریکا او برتانیا او د هغوې د متحدینو پر کښتیو او هدفونو بریدونو ته دوام ورکوي.
په یمن کې حوثیان پر غزې د اسرائیلو د بریدونو په غبرګون کې، د سور سمندرګي په سیمه کې د اسرائیلو ، امریکا او برتانیا او د هغوې د متحدینو پر کښتیو او هدفونو بریدونو ته دوام ورکوي.
حوثیانو د هغه شیبو ویدیو خپره کړه کله چې د امریکا بې پیلوټه الوتکه وویشتل شوه. د حوثيانو لخوا د خپور شوي بیان له مخې دغه بې پیلوټه الوتکه چې ۳۰ میلیونه ډالره قیمت لري ، د یمن په فضا کې الوتنه کوله.
"د یمن د وسله والو ځواکونو د هوايي دفاع واحد د صعده سیمې په هوايي حریم کې د امریکا یوه MQ9 الوتکه تثبت او وروسته په نښه کړه."
د یمن حوثيانو اعلان کړی چې د یمن په شمال کې د صعده په ښار کې د MQ9 ریپر بې پیلوټه الوتکې ویشتلې او نسکوره کړې ده .
حوثیانو، چې د برید انځورونه یې خپاره کړي، د چاودنې د شیبو انځورونه هم شریک کړي دي. حوثیانو اعلان وکړ چې د دوی دا امریکايي بې پيلوټه الوتکه د ځمکې څخه هوا ته د توغندي په واسطه ویشتې ده. د امریکا هوايي ځواک هم دغه برید تایید کړی دی.
د امریکا په رسنیو کې په خبرونو کې ویل شوي چې حوثیانو د ۲۰۱۷ کال راهیسې لږ تر لږه پنځه د امریکا بې پیلوټه الوتکې له منځه وړي دي.
د ویلو ده چې د امریکا ام کیو ۹ بې پيلوټه الوتکه چې ۳۰ میلیونه ډالره ارزښت لري ۱۵ کیلومتره ارتفاع او ۲۴ ساعته په هوا کې د پاتې کیدو ظرفیت لري.
اړوند خبرونه
د سعودي عربستان پاچا ملک سلمان بن عبدالعزیز لوړې درجې تبې له امله د تداوۍ لاندې دی.
د سعودي عربستان پاچا ملک سلمان بن عبدالعزیز د سږو د ناروغۍ له امله د انټي بیوټیک درملنه پيل کړې ده.