ایران اعلان وکړ چې  "په سیمه کې د ترهګرۍ او جاسوسۍ مرکزونه" د بالستیک توغندیو سره په نښه کړل.

ایران اعلان وکړ چې  "په سیمه کې د ترهګرۍ او جاسوسۍ مرکزونه" د بالستیک توغندیو سره په نښه کړل.

د ايران د رسمي خبري اژانس ايرنا د خبر له مخې، د سپاه پاسداران د پوځ د بیان  پر بنسټ، په سيمه کې د جاسوسۍ مرکزونه او  د ايران ضد ترهګرو ډلو د تجمع مرکزونه د  بالستيک توغنديو سره په نښه کړي دي.

په خبر کې زیاته شوې ده ، " د ایران د دښمنانو د وروستیو ترهګریزو جنایتونو په ځواب کې، د سپاه پاسداران ځواکونو تیره شپه د جاسوسۍ او  ترهګرو مرکزونه د بالستیک توغندیو سره په نښه او له منځه یوړل."

په بیان کې ویل شوي چې د سوریې په خاوره کې د داعش ترهګرې ډلې پر هدفونو سربیره د عراق په اربیل ښار کې د اسرائیلو د بهرنۍ استخباراتي ادارې موساد مرکز هم د بالستیک توغندیو په وسیله په نښه شوی دی.

په بیان کې راغلي دي چې دا بریدونه  د کرمان ښار ځانمرګی چې داعش ترهګرې ډلې یې مسوولیت په غاړه اخیستی، په راسک ښار کې د امنیتی ځواکونو په نښه کولو برید او په سوریه کې د سپاه پاسداران د پوځ یو جګپوړی قوماندان رضا موسوی وژلو په ځواب کې ترسره شوي دي.

په سیمه ایزو رسنیو کې په خبرونو کې ویل شوي چې د چاودنو غږونه په ډیرو سیمو کې اوریدل شوي، په ځانګړې توګه په اربیل کې د امریکا قونسلګرۍ او د امریکا په مشرۍ د داعش ضد ایتلاف مرکز چې د اربیل نړیوال هوایی ډګر ته نږدې موقعیت لري.

د اربیل والي امید خوشناو وویل دا بریدونه چې د ښار په ډیری ځایونو شوي او د ایران د انقلابي ګارډ اردو یې مسؤلیت په غاړه اخیستی، "غیر انساني ترهګریز" بریدونه وو.