د قطر د روان کړکیچ په اړه مهم پرمختګ !
امریکا د استخباراتو یو تن چارواکي د قطر او سعودي په مشرۍ د خلیج د هیوادونو ترمنځه د روان کړکیچ په اړه ډیره مهمه ادعا وکړه.
امریکا د استخباراتو یو تن چارواکي د قطر او سعودي په مشرۍ د خلیج د هیوادونو ترمنځه د روان کړکیچ په اړه ډیره مهمه ادعا وکړه.
د امریکا د استخباراتو یو مهم چارواکي ویلي دي چې د سعودي عربستان په مشرۍ د خلیج د هیوادونو سره او قطر ترمنځه د رامنځته شوي کړکیچ یواځنی لامل متحده عربي امارات دي.
هغه ویلي دي چې متحده عربي اماراتو د قطر د رسمي خبري اژانس په ویب پاڼې د سایبر برید سره ځیني ناسم او غلطو اسنادو او شواهدو په خپرولو سره د یاد شوي هیواد سره ستونزو رامنځته کولو ته لاره جوړه کړه.
د امریکا د استخباراتو دې چارواکي دا څرګندونې د واشنګټن پوست ورځپاڼې سره په مرکه کې کړي دي.
د امریکا د استخباراتو دې چارواکي چې نه يي غوښتل نوم يي واخیستل شي ویلي دي چې د قطر د روان بحران یواځنی لامل متحده عربي امارات دي.
هغه ادعا کړې ده چې د متحده عربي اماراتو جګپوړو چارواکیو د روان میلادي کال د مې په میاشت کې د قطر په اړه جوړ شوی پلان قبول کړ.
د پلان سره سم وروسته د قطر د رسمي خبري اژانس په ویب پاڼې سایبر برید وشو او د قطر د امیر شیخ تمیم بن حمد ال ثاني له قوله د امریکا پر خلاف او د ایران پلوي څرګندونې خپرې شوې.
د امریکا د استخباراتو دې چارواکي ویلي ډي چې پدې اړه د ترسره شوو تحقیقاتو نه لاسته راغلې پایلې متحده عربي اماراتو پر لورې اشاره کوي. پدې ټول همفکره دي چې دا سایبر برید د متحده عربي اماراتو لخوا شوی دی . خو دا لا معلومه نده چې دا برید متحده عربي اماراتو پخپله کړی او د په کوم بل هیواد يي کړی دی .
د بله پلوه واشنګټن کې د متحده عربي اماراتو سفیر یوسف العتیبه د واشنګټن پوست ورځپاڼې لخوا خپور شوی خبر او د امریکايي چارواکي ادعا په کلکه توګه رد کړې ده.
د ویلو ده چې د روان میلادي کال د مې د میاشتې په ۲۳ مه نيټه سعودي عربستان ته د امریکا د ولسمشر دونالد ټرامپ د سفر نه لنډه موده وروسته د قطر د رسمي خبري اژانس د ویب پاڼې له لارې د قطر د امیر شیخ تمیم له قوله د امریکا پر خلاف او د ایران پلوي څرګندونې نشر شوې . ددې څرګندونو نه وروسته د قطر د روان کړکیچ لومړی د خطر زنګ ووهل شو.
قطر د نوموړې پیښې نه سمدلاسه وروسته اعلان وکړ چې په رسمي خبري اژانس يي سایبر برید شوی دی او دا څرګندونې د شیخ تمیم پورې اړوند ندي خو سعودي عربستان، متحده عربي اماراتو او بحرین سخت غبرګون څرګند کړ.
نوموړو هیوادونو د جون په ۵ مه نیټه د قطر سره د ټولو اړیکو د شلولو پریکړه وکړه او قطري ډیپلوماټانو ته يي ددې هیوادونو نه د وتو په خاطر ۴۸ ساعته ورکړ. همداشان نوموړو هیوادونو د قطر پر مخ خپل سمندري او هوايي حریم سربیره مځکنې لارې هم وتړلې.
اړوند خبرونه
د سعودي عربستان پاچا ملک سلمان بن عبدالعزیز لوړې درجې تبې له امله د تداوۍ لاندې دی.
د سعودي عربستان پاچا ملک سلمان بن عبدالعزیز د سږو د ناروغۍ له امله د انټي بیوټیک درملنه پيل کړې ده.