طالبانو د کونړ نه وروسته لغمان، فاریاب او مزار شریف ولایتونه هم ونیول

د افغانستان څلورم لوی ښار مزار شریف هم د طالبانو لخوا ونیول شو.

طالبانو ویلي‌ دي‌ چې نن يي د کونړ ولایت نه وروسته د لغمان  ، فاریاب او مزار ولایتونه هم ونیول.

د ویلو ده چې طالبان د افغانستان  پلازمینې کابل ته ګام په ګام نږدې کیږي.

د مزار شریف  امنیتي ځواکونه د ښار نه په شا شول او ښار يي طالبانو ته تسلیم کړ.

ویل کیږي‌ طالبانو لومړی د ښار زندان مات کړ او وروسته امنیتې قومندانۍ او ولایت ودانۍ ونیولې.

د بله پلوه ویل کیږي‌ په سلګونو موټرې د حیرتان پله پر لورې روانې وې او د پله نه د اوزبیکستان لوري‌ ته اوښتي‌ دي.