په افغانستان کې د دیني عالمانو د هدفي وژنو په ترڅ کې  یو بل مهم  دیني عالم هم  ووژل شو.

د افغانستان  په ختیځ د ننګرهار ولایت د کوز کونړ په ولسوالۍ کې  د جومات خطیب  او ښوونکی  د نامعلومو کسانو لخوا ووژل شو.

د ننګرهار ولایت د والي ویاند عطاالله خوږیاڼي  خبري رسنیو ته ویلي دي چې  نامعلومو کسانو  نن  د سهار په ساعتونو کې  د کوز کونړ  د ولسوالۍ خطیب  او ښوونکی  مولوي صفي الله د کله ټک په سیمه کې په ډزو وواژه.

هغه ویلي دي چې  مولوي صفي الله پداسې حال کې ووژل شوو چې د لمانځه نه وروسته د کور پر لورې روان وو.

ویاند  په وینا هغه  په بې غږه  وسلې  وژل شوی دی. د ویلو ده چې  مولوي صفي الله په افغانستان کې د دیني عالمانو د هدفي وژنو  یو بل قرباني دی.