په سروبي کې د ملي اردو د چورلکې د بیړنۍ ناستې له امله یو تن ژوند د لاسه ورکړ

د افغانستان د ملي دفاع وزارت  ویلي دي چې  ددوې  یوې  چورلکې  د تخنیکي  ستونزې له امله  د سروبي ولسوالۍ  د برښنا بند په سیمه کې  د مومندو په کلي کې بیړنۍ ناسته کړې چې له امله يي د چورلکې یو تن  عمله  سخت  ټپي شوی وو چې وروسته په روغتون کې ساه ورکړه.

دفاع وزارت په خپره کړې خبرپاڼه کې ویلي دي چې دا پیښه  پرون د مازیګر په ساعتونو کې رامنځته شوې ده .

د پيښې نه وروسته د تخنیکي ستونزې د تثبیت  په خاطر  یوه تخنیکي ډله سیمې ته استول شوې ده .

د پيښې په اړه تحقیقات هم  پيل شوي دي.