د افغانستان د لوګر په ولایت کې د سترې فاجعې مخه ونیول شوه
په لوګر کې ۴ تنه ترهګر د ماینونو د خښولو پر مهال ونیول شول
993030
د افغانستان د لوګر په ولایت کې د سترې فاجعې مخه ونیول شوه.
د لوګر ولایت امنیتي ځواکونو څلور تنه ماین خښوونکي چې غوښتل يي د اختر دا مبارکې او د خوښې ورځې په هیوادوالو په ویر او ماتم بدلې کړي لاس په لاس ونیول.
د لوګر ولایت د پولیسو ویاند شاهپور احمدزي خبري رسنیو ته ویلي دي امنیتي ځواکونو ۴ تنه ماین خښوونکي چې غوښتل د پادخواب د کلي په لویه لار کې ماینونه خښ کړي خپلې شومې موخې ته د رسیدو نه مخکې ونیول.
د ویلو ده چې د نوموړو کسانو د نیولو سره د اختر په ورځو کې د سترې فاجعې مخه ونیول شوه.
د نیول شوو ترهګرو د هویت په اړه څه ندي ویل شوي .
د ویلو ده چې افغان حکومت د اختر د ورځې په مناسبت د طالبانو سره اوربند اعلان کړی دی. همداشان طالبانو هم د اختر په دریو ورځو کې اوربند اعلان کړی دی.