Хамастан Эрдоганга ыраазычылык...
Хамас, президент жана АКПнын төрагасы Эрдогандын Түркия Улуу Улуттук Жыйынындагы (TBMM) фракциялык жыйналышында сүйлөгөн сөзүнөн кыска мөөнөттөн кийин жазуу түрүндөгү билдирүү жасады.
Палестинанын каршылык көрсөтүү уюму Хамас президент Режеп Таййип Эрдогандын алар тууралуу мактоо сөздөрү менен сыймыктанганын билдирди.
Хамас, президент жана АКПнын төрагасы Эрдогандын Түркия Улуу Улуттук Жыйынындагы (TBMM) фракциялык жыйналышында сүйлөгөн сөзүнөн кыска мөөнөттөн кийин жазуу түрүндөгү билдирүү жасады.
Хамас анын «Боштондук согуш (1919-1923) жылдарында Түркиядагы Кувайи Миллийе (Улуттук Күчтөр) кандай болсо, Хамас так ошондой» деген сөздөрүн баалагандарын жана муну менен сыймыктанышкандарын белгиледи.
Хамастын билдирүүсүндө төмөнкүдөй билдирүүлөр камтылган: «Президент Эрдогандын эр жүрөк билдирүүлөрү жана ардактуу позициялары боордош түрк элинин тарыхый жана өзгөчө позициясын так чагылдырат. Элибиз бул билдирүүлөрдү Газа тилкесиндеги элибизге карата позициясында жана элибиздин өз жерлерин бошотуу, ал жерге кайтып келүү жана борбор шаары Кудс болгон көз карандысыз мамлекетти куруу укугун колдоо үчүн күрөшүндө эр жүрөк үн катары жаттап калат».
Эрдоган партиясынын фракциялык жыйынында : «Боштондук согуш жылдарында Түркиядагы Кувайи Миллие кандай болсо, Хамас так ушундай болду. Албетте, муну айтуунун да бедели бар экенин билебиз»,- деди.
