Шентоп Казакстандын Анкарадагы элчисин кабыл алды

Түркия Улуу Улуттук Жыйынынын (TBMM) төрагасы Мустафа Шентоп Казакстандын Анкарадагы элчиси Абзал Сапарбекулыны кабыл алды.

Шентоп, кабыл алууда Казакстандагы окуяларды жакындан байкашкандарын белгилеп, ырааттуулуктун чоң өлчөмдө камсыздалганына кубангандыгын билдирди.

Казакстанда ырааттуулуктун камсыздалышынын аймак үчүн маанисине көңүл бурган Шентоп: «Түркия катары мындан ары да колубуздан келген жардамды берүүгө даярбыз»,-деди.

Сапарбекулы болсо Шентопко өлкөсүндөгү окуялар тууралуу маалымат берди.

Бардык жерде (өлкөдө) коопсуздук сакталганын айткан Сапарбекулы, Жамааттык Коопсуздук Келишим Уюмунун (ЖККУ) тынчтык орнотуучу күчтөрү 2 күндүн ичинде өлкөдөн чыга баштаарын белгиледи.

Казакстанда суюлтулган мунай газынын баасынын жогорулатылышы жана социалдык-экономикалык абал начарлады деген негизде 2-январда башталган нааразылык акцияларында коопсуздук күчтөрү да болгон ондогон адам каза болду.

Казакстандын президенти Токаев өкмөттүн отставкасын кабыл алып, нааразылык акциялары үчүн айыптады.

Нааразылык акциялары жайылгандыктан өлкө боюнча өзгөчө абал жарыяланды.