Албания Түркиянын куралдуу учкучсуз учуучу аппараттарын сатып алат

Түркиянын куралдуу учкучсуз учуучу аппараттарын өз инвентарына кошууга даярданып жаткан өлкөлөргө Албания дагы кошулду. Албания парламенти Түркиянын куралдуу учкучсуз учуучу аппараттары үчүн 8 миллион евродон ашык кошумча бюджет бөлдү.

Түрк куралдуу учкучсуз учуучу аппараттарынын эл аралык кадыр-баркы акырындап жайылууда.

Улуттук коопсуздугун жогорулатуу үчүн дагы бир өлкө Түркияга кайрылды.

Түрк куралдуу учкучсуз учуучу аппараттарын артык көргөн өлкөлөрдүн тизмесине Албания дагы кошулду.

Өлкөнүн парламенти Түркиянын куралдуу учкучсуз учуучу аппараттарын сатып алуу үчүн бөлүнгөн 8 миллион 200 миң евролук кошумча бюджетти бекитти.

Бул аракет Албаниянын ички иштер министри Бледар Чучинин жана аскер кызматкерлеринин Түркияга болгон иш сапарынан кийин болду.

Чучи Стамбулдагы «Байрактар» ​​өндүрүштүк мекемесине баргандан кийин сатып алуу жөнүндө белги берип: «Биз Түркиянын куралдуу учкучсуз учуучу аппараттарынын тутумдарын Албанияда жарандык жана аскердик максаттарда колдонуу мүмкүнчүлүгүн карап жатабыз», деген болчу.

Түркия менен биргеликте жүргүзүлө турган инфраструктуралык инвестициялар дагы бюджетке киргизилди.