Түркия менен Греция кайрадан жолугушууларын баштайт

Греция менен Түркия 5 жылдан кийин кайрадан үстөлдө жолугушуу өткөрүшөт.

Эртең бардык көңүл буруу Стамбулга болот, Греция менен Түркиянын иликтөөчү сүйлөшүүлөрүнүн 61-туру өткөрүлөт.

Сүйлөшүүлөрдүн жүрүшүндө Эгей деңизиндеги жана Чыгыш Жер Ортолук деңизиндеги көйгөйлөр талкууланат.

Тышкы иштер министри Мевлүт Чавушоглу, 11-январда Грецияны иликтөөчү сүйлөшүүлөргө чакырып, Түркиянын диалог, кызматташтык жана чечим табууну жактаган мамилесин дагы бир жолу ортого салды.

Түркиянын сүйлөшүүлөргө кожоюндук кыла тургандыгын билдирген Чавушоглу, делегациялардын сүйлөшүү күнүн белгилөөгө карай чакыруусуна кыска мөөнөттө жооп берилди.

Түркия жана Грециянын тышкы иштер министрликтеринин ортосундагы сүйлөшүүлөрдөн кийин иликтөөчү сүйлөшүүлөрдүн 61-айлампасын 25-январда Стамбулда өткөрүү чечими кабыл алынды.

Грециянын премьер-министри Кириакос Мицотакис 20-январда Түркия менен жүргүзүлө турган иликтөөчү сүйлөшүүлөрүнө оптимизм менен өзүнө ишенүү менен катыша тургандарын билдирген.

Греция менен Түркиянын ортосунда алгачкы иликтөөчү максаттагы жолугушуулар 2002-жылы баш калаа Анкарада, эки өлкөнүн тышкы иштер министрликтеринин кеңешчилеринин ортосунда жүргүзүлгөн.

Тараптардын ортосунда 2016-жылга чейин 60 тур жолугушуу өткөрүлдү. Эң акыркы жолугушуу болгон 60-тур, Афинада 2016-жылдын март айында өткөн.

Ошол күндөн кийин, ал кездеги премьер-министр Алексис Ципрастын өкмөтүнүн каалабаган мамилесинен улам токтоп калган сүйлөшүүлөр саясий консультациялар түрүндө улантылып, бирок иликтөөчү деңгээлге кайтып келе алган жок.