ИКУнун саммити Палестинага колдоо билдирүүсү менен башталды

Ислам Кызматташтык Уюмунун (ИКУ) 15-саммити Гамбиянын борбор шаары Банжулда Палестинага колдоо билдирүүсү менен башталды.

Саммитке кожоюндук кылган Гамбиянын президенти Адама Барроу ачылыш сөзүндө Палестинага колдоо билдирүүсүн берип, Израилдин Палестинага кол салуулары жана Газадагы кыйратуучу согушка чечүүчү жол табылышы керектигин белгиледи.

Аймакта уланып жаткан зомбулук жана ыраатсыздык менен Газадагы гуманитардык кризистердин тынчтык мүмкүнчүлүгүн азайтканына көңүл бурган Барроу, бул абалдын аймактык ырааттуулук менен глобалдык тынчтыкты олуттуу түрдө коркунучка салганын белгиледи.

Палестинада чечүүчү жол үчүн тынчтык конференциясынын өткөрүлүшү керектигин баса белгилеген Барроу : «Аскердик кийлигишүүнүн бир вариант эмес экенине ишенебиз. Анын ордуна тынчтыкты жана эки мамлекеттүү чечимди колдойбуз. Бул сунуш эгемендиктин жана укуктун кепилдигин камсыз кылат. Мындан тышкары, эл аралык коомчулуктун Палестина эли Палестина мамлекетин таануу аркылуу өзүнүн мыйзамдуу улуттук укуктарын калыбына келтириши керектигин баса белгилейбиз»,-деп айтты.

Барроу Түштүк Африканын Израилге каршы доо арызын жогору баалады жана алар Түштүк Африка менен жана адилеттүүлүктү жана жоопкерчиликти талап кылгандардын бардыгы менен тилектеш экендигин, Израиль кылган мыкаачылыктын курмандыктары үчүн адилеттикти издөөнү колдой тургандыктарын белгиледи.

ИКУнун баш катчысы Хусейн Ибрахим Таха да Палестинаны коргоо үчүн эл аралык кызматташтыкты баса белгилеп, ИКУ катары Израилдин Газадагы кол салууларын токтотууга, эл аралык деңгээлде палестиналыктардын укуктарын таанууга жана Палестинаны көз карандысыз өлкө катары таанууга чакырды.