БУУ Израилди айыптады

Израиль армиясы кол салууларында эл аралык уюмдарды жана алардын кызматкерлерин да эске албай жатат.

Израилдин учкучсуз учуучу аппараттары Ливандын түштүгүндө Бириккен Улуттар Уюмунун (БУУ) Ливандагы Убактылуу Тынчтык күчтөрүнө таандык брондолгон унааны бутага алды.

Кол салууда 3 аскер жана 1 ливандык жаран жараланды.

Ливан кол салууга катуу жооп кайтарды. Ливандын тышкы иштер министрлигинин билдирүүсүндө, Израилдин өлкөнүн түштүгүнө кол салгандыгы үчүн БУУнун Коопсуздук Кеңешине арыздануу үчүн даярдыктар башталганы белгиленди жана кол салуу катуу айыпталды.

БУУ да кол салууну айыптады. БУУнун баш катчысынын басма сөз катчысынын билдирүүсүндө БУУнун баш катчысы Антониу Гутерриш кол салууну айыптаганы белгиленди.

Билдирүүдө тынчтык күчтөрүнүн коопсуздугу жана бейпилдиги ар дайым камсыз кылынууга тийиш экени баса белгиленди.