Афганистанда болгон селдерде 50 киши каза болду

Афганистандын  ар кайсы аймактарында селден кеминде 50 адам каза болду.

Жергиликтүү басылмалардын маалыматына караганда, өлкөнүн түндүк жана түндүк - чыгыш аймактарында нөшөрлөгөн жаандан улам сел жүргөн.

Бул тууралуу өлкөнүн түндүгүндөгү Баглан шаарынын Табигый кырсыктар департаментинин башчысы Хедаятулла Хамдард КабулдагыTolo News телеканалына маалымат берип : "Бурка, Нахрин жана Орто Баглан аймактарындагы селден ушул убакка чейин 50 киши каза болду»,-деди. 

Жетекчилер  селден жапа чеккен аймактарга чукул жардам көрсөтүү аракеттеринин башталганы тууралуу маалыматтарды беришти.