Болгария менен Румыния ЕБнин Шенген визасыз саякат аймагына кирди
Евробиримдик Комиссиясынын төрагасы Урсула фон дер Ляйен X социалдык медиа платформасындагы билдирүүсүндө Болгария менен Румыниянын Шенгенге кошулганын жана аба жана деңиз чек ара көзөмөлү бүгүнтөн тарта жоюлганын жарыялады.
Болгария менен Румыния Европа Биримдигинин (ЕБ) Шенген визасыз саякат аймагына кирди.
Евробиримдик Комиссиясынын төрагасы Урсула фон дер Ляйен X социалдык медиа платформасындагы билдирүүсүндө Болгария менен Румыниянын Шенгенге кошулганын жана аба жана деңиз чек ара көзөмөлү бүгүнтөн тарта жоюлганын жарыялады.
Фон дер Ляйен бул Европа Биримдигинин миллиондогон жарандарына пайда алып келип, Шенген аймагын күчтүүрөөк кылат деп билдирди.
ЕБ Комиссиясынын ички иштер боюнча жооптуу мүчөсү Йлва Йоханссон да кийинки этапта кургактык чектериндеги көзөмөлдүн жоюла турганын жана бул жыл бою мүчө мамлекеттер ортосундагы сүйлөшүүлөрдө талкуулана турганын айтты.
Румыния менен Болгария Евробиримдикке 2007-жылы мүчө болгон.
Австрия мыйзамсыз миграция күчөп кетиши мүмкүн деп кооптонуп, эки өлкөнүн Шенгенге кошулуусуна көптөн бери каршы болуп келген. Келишимге өткөн жылдын аягында жетишилген.
Тектеш кабарлар
Израилдин Газа жана Рефахка кол салуулары...
Израилдик күчтөр Газа тилкесинин түштүгүндөгү Хан Юнус шаарынын чыгышындагы аймактарга кирди.
