АКШ: "Нетаньяху АКШга делегация жиберет"
Ак үйдүн басма сөз катчысы Карин Жан-Пьер маалымат жыйынында темага байланыштуу билдирүү жасады.
Америка Кошмо Штаттары (АКШ) Израилдин премьер-министри Биньямин Нетаньяхунун Газанын түштүгүндөгү Рафах аймагына ыктымалдуу кургактык чабуулдарын талкуулоо үчүн АКШнын борбор шаары Вашингтонго делегация жиберүүгө макул болгонун билдирди.
Ак үйдүн басма сөз катчысы Карин Жан-Пьер маалымат жыйынында темага байланыштуу билдирүү жасады.
Жан-Пьер Нетаньяхунун кеңсесинин делегация сапарын кайрадан пландоого макул болгонун жана АКШ менен Израилдин жаңы датаны аныктоо үчүн сүйлөшүүлөрдү баштаганын айтты.
Жан-Пьер: «Рафах операциялары тууралуу сүйлөшүү үчүн бул жерде жыйын өткөрүү темасында келишим түзүлдү»,- деди.
Бириккен Улуттар Уюмунун Коопсуздук Кеңешинде 25-мартта Газада Рамазан айында ок атышууну дароо токтотууну талап кылган мыйзам долбоору кабыл алынган.
АКШ мыйзам долбооруна вето койбогондуктан Израилдин премьер-министри Биньямин Нетаньяху, Рафахка ыктымалдуу кургактык чабуулун талкуулоо үчүн Вашингтондо өткөрүлүшү пландалган жыйынга Израиль делегациясын жөнөтүүдөн баш тарткан болчу.
