Газада жардам күтүп жатып каза болгон палестиналыктардын саны 560ка жетти
Израиль аймактагы кыргындарын улантып жатканда, башка жагынан жардамдын жетүүсүнө тоскоолдуктардан улам болжол менен 2,3 миллион палестиналык жашаган Газаны ачарчылыкка салды.
Израиль армиясы тарабынан ачарчылыкка түртүлгөн Газа тилкесинде азык-түлүк жана гуманитардык жардам күтүп жатканда өлтүрүлгөн палестиналыктардын саны 560ка жетти.
Израиль аймактагы кыргындарын улантып жатканда, башка жагынан жардамдын жетүүсүнө тоскоолдуктардан улам болжол менен 2,3 миллион палестиналык жашаган Газаны ачарчылыкка салды.
Газанын түндүгүндөгү ачарчылык күндөн-күнгө күчөп баратат, анткени Израиль армиясы жардам ташуучу унаалардын дээрлик бардыгын киргизбей жатат.
Ун таппай нан жасоо үчүн малдын жемин майдалап жаткан аймакка гуманитардык жүк ташыган унаалардын өтө аздыгынан уруксат берилген.
Бир тараптан ачарчылык, бир тараптан Израилдин кол салууларына туш болгон палестиналыктар жардамга жетүү үчүн өлүм менен ачарчылыктын ортосунда тандоо жасоого аргасыз болууда.
Израиль армиясы Газада жардам күткөндөрдү бутага алуу менен ачарчылык менен күрөшкөн палестиналыктарга өлүм жаадырууну улантууда.
Палестинанын Мыйзам чыгаруу кеңешинин мүчөсү Мустафа Баргути X социалдык медиа эсебинен жасаган билдирүүсүндө 560 газалыктын тамак-аш жана гуманитардык жардам күтүп жатканда Израиль күчтөрү тарабынан өлтүрүлгөнүн жарыялады.
Баргути Израиль армиясынын гуманитардык жардамга жетүүгө аракет кылган 1523 газалыкты да жарадар кылганын белгиледи.
Израиль армиясы Газадагы Кувейт түйүнүндө жардам жүк ташуучу унаалардын келишин күтүп жаткан палестиналыктарга танк жана оор куралдар менен ок атты.
Израиль аскерлери тарабынан ачылган октун натыйжасында 19 адам каза болуп, 23 киши жараланды.
19-мартта Израиль армиясы Кувейт түйүнүндө гуманитардык жардамды коштоп күткөн жергиликтүү топторду бутага алган жана кол салууда 23 палестиналык каза болгон.
Ошо сыяктуу эле Израиль армиясынын 14-мартта Кувейт түйүнүнүн жанында гуманитардык жүк ташуучу унааларды күткөн палестиналыктарды бутага алышынын натыйжасында 20 киши каза болуп, 155тен ашуун киши жараланды.
29-февралда Газа шаарынын түштүгүндөгү Рашид көчөсүндөгү Наблуси кесилишинде гуманитардык жардам күткөн палестиналыктарга кол салууда 118 киши каза болуп, 760 киши жараланды.
