Бразилияда сел: 137 адам каза болду
Мамлекеттик жарандык коргонуунун билдирүүсүндө каза болгондордун саны 137, дайынсыз жоголгондордун саны 125 деп жаңыланганы белгиленди.
2138401
Бразилияда нөшөрлөгөн жамгырдан улам болгон селде каза болгондордун саны 137ге жетти.
Өлкөнүн түштүгүндөгү Рио-Гранде-ду-Сул провинциясында өткөн аптадан бери жааган жамгырдан кийин пайда болгон селден улам жан жана мүлк жоготуулары көбөйүүдө.
Мамлекеттик жарандык коргонуунун билдирүүсүндө каза болгондордун саны 137, дайынсыз жоголгондордун саны 125 деп жаңыланганы белгиленди.
Билдирүүдө жаракат алгандардын саны 756га жетип, селден жабыркагандардын саны 2 миллиондон ашканы, жер которгондордун саны 600 миңден ашканы белгиленди.
Билдирүүдө ооруканалар толук кубаттуулукта иштеп жатканы жана бейтаптарга кам көрүү үчүн кошумча күчтөр керек экени айтылды.
Издөө-куткаруу иштеринде 28 миңден ашуун кишинин иштегени да бөлүшүлдү.
