Израилдин ар кайсы жерлеринде нааразылык акциялары өттү

Бүткүл Израилде блокададагы Газа тилкесиндеги туткундардын кайтарылышын, Беньямин Нетаньяхунун өкмөтүнүн отставкасын жана мөөнөтүнөн мурда шайлоо өткөрүүнү талап кылган нааразылык акциялары өттү.

Израилдин Кесария шаарындагы Нетаньяхунун жеке резиденциясынын жанына 2000дей демонстрант Израилдин желектери менен чогулушту. Нетаньяху өкмөтүн сындаган баннерлер жана плакаттарды көтөргөн демонстранттар «Сен жетекчисиң, сен жооптуусуң», «Эми кет» жана «7-октябрга сен күнөөлүүсүң» деген ураандарды чакырышты.

Нетаньяхунун резиденциясына карай өтүүгө аракет кылган жана бул аймакта от жаккан демонстранттарга полиция кийлигишип,  4 кишини камакка алды.

Тель-Авивдеги Каплан көчөсүндө да миңдеген израилдик Нетаньяху өкмөтүнүн кызматтан кетишин жана мөөнөтүнөн мурда жалпы шайлоо өткөрүүнү талап кылышты.

Активисттер өкмөттү сындаган сөз сүйлөсө, демонстранттар премьер-министр Нетаньяхуга жана анын өкмөтүндөгү саясатчыларга каршы баннерлер, плакаттар жана девиздерди көтөрүп жүрүштү.

Митингчилерди болтурбоо аракетинде полиция күч колдонуп, көптөгөн демонстранттарды кармап кетти.

Коргоо министрлигинин алдында чоң от жагып, Тель-Авивдин борборундагы Аялон экспресс жолунда түндүктү көздөй бараткан кыймылды жапкан демонстранттарга полиция кийлигишти.

Коргоо министрлигинин имаратынын экинчи тарабында Газадагы израилдик туткундардын жакындары нааразылык акциясына чыгышты.

Өкмөткө туткундарды мүмкүн болушунча тезирээк бошотуу талабы коюлган демонстрацияда Германиянын Тель-Авивдеги элчиси Штеффен Зайберт жана Франциянын Тель-Авивдеги элчиси Фредерик Журнес чыгып сүйлөдү.

Демонстрацияларда сөз сүйлөгөн мурдагы премьер-министр жана оппозициянын лидери Яир Лапид, туткундарды үйлөрүнө кайтара турган келишимди баасы канча болсо да колдой тургандарын айтып, «Алар кайтарылбастан жеңиш болбойт»,-деди.