Колумбия менен Венесуэланын ортосунда түз каттам

Колумбия менен Венесуэланын ортосунда 3 жылдан кийин биринчи жолу түз коммерциялык каттам ишке ашты.

Венесуэла аба жолдоруна таандык Turpial Airlines компаниясына таандык 'T9 8820' коммерциялык учагы борбор шаар Каракастагы Майкетия эл аралык аэропортунан учуп чыгып, Колумбиянын борбор шаары Боготага түз конду.

Эки борбордун ортосундагы 90 мүнөттүк сапардын баасы 500 доллардын тегерегинде болору жана өз ара каттамдардын жумасына эки жолу ишке аша турганы кабарланды.

Колумбияда 19-июндагы шайлоонун экинчи айлампасында жеңишке жетип, 7-августта Президенттик кызматка киришкен солчул Густаво Петронун алгачкы аракеттеринин бири коңшу Венесуэла менен 3 жылдан бери токтоп турган эки тараптуу мамилелерди калыбына келтирүү үчүн элчи дайындоо болгон.

Николас Мадуро тарабынан 2-ноябрда Мирафлорес Президенттик сарайында салтанат менен тосуп алынган Петро, ​​6 жылдан кийин Венесуэлага Президенттик деңгээлде барган биринчи колумбиялык лидер болду.

Венесуэла менен Колумбиянын мамилеси 2019-жылы Колумбиянын Мадуро өкмөтүнө каршы АКШ жактаган Хуан Гуайдого колдоо көрсөтүүсү менен солгундап, Мадуро 2019-жылдын февраль айында Колумбия менен дипломатиялык мамиленин үзүлгөнүн жарыялаган.