Коронавирус батыш өлкөлөрүнүн айласын кетирүүдө

Дүйнө жүзүндө коронавирустан (Ковид-19) көз жумган адамдардын саны 2 миллион 216 миң 425тен ашты. Вирусту жуктуруп алгандардын саны 102 миллион 636 миңден, ал эми айыккандардын саны 74 миллион 329 миңден ашты.

Пандемиянын чордону АКШда Ковид-19дун кесепетинен каза болгон адамдардын саны 447 миң 459га жетти. Өлкөдө ооруну жуктуруп алгандардын саны болсо 26 миллион 512 миң 193кө жогорулады.

Акыркы сутканын ичинде Бразилияда 1199, Мексикада 1443, Аргентинада 174, Колумбияда 371, Перуда 202, Чилиде 83, Боливияда 53, Гватемалада 39, Гондураста 37 коронавирустан каза болду. Бул маалыматтар менен Ковид-19дан адамдардын өлүмү Бразилияда 222 миң 775, Мексикада 156 миң 579, Аргентинада 47 миң 775, Колумбияда 53 миң 284, Перуда 40 миң 686, Чилиде 18 миң 257. Боливияда 10 миң 279, Гватемалада 5 миң 582, Гондураста 3 миң 575ге жетти.

Британияда вирустун айынан көз жумгандардын саны 104 миң 371ди түздү. Өлкөдө бул илдетке чалдыккандардын саны 3 миллион 772 миң 813 деп катталды. Экинчи жагынан, Британия менен Европа Биримдигинин (ЕБ) ортосунда Ковид-19 вакциналары боюнча талкуулар уланууда. Британ өкмөтү, экспорттоого тыюу салынат деп коркуткан Европа Биримдиги өлкөлөрүнө AstraZeneca вакциналарын жиберүү күтүлбөйт деп жарыялады.

Италияда коронавирустун айынан каза болгон адамдардын саны акыркы сутка ичинде 477ге көбөйүп 87 миң 858ге жетти. Ушул эле мезгилде өлкөдө 13 миң 574 адамга Ковид-19 диагнозу коюлду. Ушундайча ооруга кабылгандардын саны эпидемия башталган былтыркы жылдын февраль айынан бери 2 миллион 529 миң 70ке жогорулады.

Испанияда Ковид-19 пандемиясында акыркы сутка ичинде 513 адам каза болуп, 38 миң 118 жаңы учур аныкталды. Бул маалыматтар менен өлкөдө адамдардын өлүмү 58 миң 319га, ал эми жуктуруп алгандардын саны 2 миллион 830 миң 478ге жетти.

Францияда Ковид-19дан көз жумгандардын саны 75 миң 620га, илдетке чалдыккандардын саны болсо 3 миллион 153 миң 487ге жогорулады. Өкмөт Ковид-19 чараларынын алкагында 31-январдан тарта Евробиримдикке мүчө эмес өлкөлөргө кирүүнү жана чыгууну токтотот.

Вирустун кесепетинен 2 миң 84 өлүм жана 197 миң 664 учур катталган Данияда өкмөт Ковид-19га каршы 41,6 миллион доза вакцинаны буйрук кылды. Европа Биримдиги (ЕБ) Комиссиясы аркылуу вакциналар менен камсыз кылган Дания AstraZeneca, Sanofi-GSK, Johnson & Johnson, BioNTech / Pfizer, CureVac жана Moderna компанияларынан вакциналарды алат.

Ковид-19дан 12 миң 374 өлүм жана 364 909 учур катталган Венгрияда өкмөт Кытай менен 5 миллион доза коронавирус вакцинасын алуу боюнча келишим түздү.