İsrail əsgərləri İordan çayının qərb sahilində 1 fələstinlini öldürüb

İşğal altındakı İordan çayının qərb sahilinin Ramallah şəhərində İsrail əsgərləri tərəfindən edilən atəş nəticəsində avtomobildə ağır yaralanan bir fələstinli yerləşdirildiyi xəstəxanada həyatını itirib.
Fələstin Səhiyyə Nazirliyinin bu barədə verdiyi açıqlamada, Ramallahın Əl-Bireh bölgəsində İsrail əsgərləri tərəfindən kürəyindən güllə yarası alan 26 yaşlı fələstinli Məhəmməd İsa Abbasın Fələstin Tibb Mərkəzinə aparıldığı, ancaq edilən müdaxilələrə baxmayaraq yaralının həlak olduğu bildirilib.

Fələstinin rəsmi xəbər agentliyi "WAFA"-nın xəbərinə görə, İsrail əsgərləri Əl-Bireh bölgəsindəki Əl-Emari qaçqın düşərgəsinə basqın ediblər.

Xəbərdə basqın zamanı əsgərlərin maşına atəş açdığı, ağır yaralanan Abbasın aparıldığı xəstəxanada dünyasını dəyişdiyi bildirilib.