Konqo Demokratik Respublikasında daşqınlar nəticəsində 10 nəfər ölüb

Konqo Demokratik Respublikasında leysan yağışların səbəb olduğu daşqınlar nəticəsində 10 nəfər həyatını itirib.
Yerli mətbuat orqanlarının yaydığı məlumata görə, Ekvator vilayətinin Basankusu qəsəbəsində 2 gün davam edən leysan yağışları daşqınlara səbəb olub.
80 evin dağıldığı, körpü və yolların su altında qaldığı daşqınlar səbəbindən indiyədək 10 nəfər həyatını itirib.
Şəhərdə axtarış-xilasetmə işləri davam edir.
Tropik iqlim qurşağında yerləşən ölkədə vaxtaşırı təbii fəlakətlər yaşanır.