Ukrayna Prezidenti Vladimir Zelenski ABŞ-a səfər edəcək

Ukrayna Prezidenti Vladimir Zelenski 30 avqustda Amerika Birləşmiş Ştatlarına (ABŞ) səfər edəcək.

Ağ Evin mətbuat katibi Cen Psaki tərəfindən yayılan yazılı bəyanatda Prezident Co Baydenin Zelenskini Ağ Evdə qəbul edəcəyi bildirilərək, "Bu səfər, Rusiyanın Donbas və Krımda davam edən təcavüzü qarşısında ABŞ-ın Ukraynanın suverenliyinə və torpaq bütövlüyünə sarsılmaz dəstəyini təsdiqləyəcək" deyilib. 

Bəyanatda ayrıca, səfər zamanı iki ölkə arasında enerji təhlükəsizliyi mövzusunda sıx əməkdaşlığın müzakirə ediləcəyi və Zelenskinih korrupsiya ilə mübarizə və ümumi demokratik dəyərlərə əsaslanan islahatları həyata keçirmək səylərinə dəstəyin dəyərləndiriləcəyi bildirilib.