мәсҗиди әқсада тәхминән 250 миң мусулман рамизанниң иккинчи җүмә намизини оқуди
исраилийәниң чәклимисигә қаримай, тәхминән 250 миң пәләстинлик вә чәт әллик мусулман рамизанниң иккинчи җүмә намизини мәсҗиди әқсада оқуди.
түркийә авази радйоси хәвири: мусулманларниң тунҗи қиблиси болған мәсҗиди әқсада җүмә намизини оқумақчи болғанлар, һәрәм шәрифкә тутишидиған тар коча вә базарларни толдурди.
һәр қайси йаштики әр, айал , чоңлар вә балилар һәрәм шәрифниң бағлири вә һойлилирини шундақла мәсҗиди әқса ичидики һоҗриларни толдуруп сәп тутти.
қуддус ислам фонди җәмийити тәрипидин елан қилинған йазма байанатқа асасланғанда, мәсҗиди әқсада рамизанниң иккинчи җүмә күни 250 миң киши җүмә намизи оқуған.
йәнә бир тәрәптин, исраилийә қисимлири рамизанниң иккинчи җүмә намизини оқумақчи болған вә ишғалийәт астидики ғәрбий қирғақтин қуддусқа кирмәкчи болған нурғун пәләстинликләрниң өтүшини тосувалған.
ғәрбий қирғақтин шәрқий қуддусқа тутишидиған йол еғизидики тәкшүрүш понкитлириға қошумчә әскәр әвәткән исраилийә қисимлири кимлик тәкшүрүп, 55 йаштин төвән әрләрниң өтүшигә йол қоймиған.
