misirda ikki ming yilliq tarixqa ige olturaq rayon tépildi
misirning jenubidiki luksor shehiride, rim dewrige ait texminen 2 ming yilliq olturaq rayon tépildi.
türkiye awazi radiyosi xewiri: misir sayahet we tarixiy yadikarliqlar ministirliqining yazma bayanatida, luksor shehirining sherq tereptiki luksor butxanisigha qoshna rayonda miladidin ilgiriki 30 - yildin miladidin kéyinki 395 – yillirigha tewe rim dewridin qalghan tunji olturaq rayonning otturigha chiqirilghanliqi bildürüldi.
qedimkiy tébés antik shehirining bir qismi ikenliki bildürülgen bu rayonning luksor wilayitining sherqiy déngiz qirghiqidiki «eng muhim we eng qedimkiy olturaq rayon» süpitide royxetke élinghanliqi uqturuldi.
hazir luksor shehiri dep bilinidighan tébés shehiri, qedimkiy misirning eng muhim sheherlirining birsi hésablinidu.
qedimkiy tébés we mazaliqliri 1979- yilida b d t maarip, ilim-pen we medeniyet teshkilati-yunésko (UNESCO) teripidin dunya medeniyet mirasliri tizimlikige kirgüzülgen idi.
