«айасофйа җамәси» дә аридин 88 йил өткәндин кейин тунҗи тәравиһ намизи оқулди
истанбулдики «айасофйа җамәси» дә аридин 88 йил өткәндин кейин, тунҗи тәравиһ намизи оқулди.
түркийә авази радийоси хәвири: «истанбулниң пәтһи қилинишиниң символи» сүпитидә хатирилинидиған вә аридин 86 йил өткәндин кейин, қайтидин ибадәткә ечиветилгән «айасофйа җамәси» дә, «ковид – 19» йуқуми сәвәбидин 2 йил кечикип оқулған тәравиһ намизи, җамаәтни чәксиз һайаҗанға салди.
җамәниң ичидин сирт йәнә, «султанәһмәд мәйдани» му, тунҗи тәравиһ намизида сәптә туруш үчүн намаз шамдила җамәгә келишкә башлиған җамаәт билән толуп ташти.
«айасофйа җамәси» дә аридин 88 йил өткәндин кейин тунҗи қетим оқулған тәравиһ намизида, диний ишлар идарисиниң башлиқи әли әрбаш имам болди. тәравиһ намизидин кейин, җамаәт билән бирликтә дуа қилған әрбаш, җамаәтниң рамизан ейини тәбриклиди.
игилинишичә, «айасофйа җамәси» рамизан ейи бойичә 24 саәт очуқ туридикән.
