فىتچ تۈركىيەنىڭ ئىقتىسادىي ئېشىش مۆلچەرىگە ئۆزگەرتىش كىرگۈزدى
خەلقئارا ئىناۋەت دەرىجىسىنى باھالاش ئورگىنى — فىتچ، تۈركىيەنىڭ بۇ يىللىق ئىقتىسادىي ئېشىش مۆلچەرىنى %10.5 كە چىقاردى.
1742515
تۈركىيە ئاۋازى رادىيوسى خەۋىرى: فىتچ تۈركىيە ئىقتىسادى توغرىسىدا بايانات ئېلان قىلىپ، تۈركىيەنىڭ يۇقۇم ئۆزىنى كۆرسىتىشكە باشلىغان 2020 يىلى ئىچكى ئىشلەپچىقىرىش ئومۇمىي قىممىتىنىڭ %1.8 ئاشقانلىقىنى خاتىرىلىتىپ ئۆتتى ۋە 2021 – يىلى %10.5 لىك ئىقتىسادىي ئېىشىشنى قولغا كەلتۈرىدىغانلىقىنى ئوتتۇرىغا قويدى.
فىتچ سېنتەبىردە ئېلان قىلغان «يەر شارى ئىقتىسادىغا نەزەر» ناملىق دوكلاتىدا، تۈركىيە ئىقتىسادىنىڭ بۇ يىل %9.2 ئاشىدىغانلىقىنى مۆلچەرلىگەنىدى.
باياناتتا، 2022- يىللىق دۆلەت ئىقتىسادىنىڭ ئېشىش مۆلچەرىنىڭ %3.5 تىن %3.6 كە ئۆستۈرۈلگەنلىكى قەيت قىلىندى.
باياناتتا يەنە، ئوخشاش ھالەتتىكى دۆلەتلەرگە سېلىشتۇرغاندا تۈركىيەنىڭ ئىقتىسادىي ئېشىشىنىڭ كۈچلۈك ئىكەنلىكىگە ئىشارەت قىلىندى.
مۇناسىۋەتلىك خەۋەرلەر
شىمشەك: يەرشارى مەبلەغ سالغۇچىلىرى تۈركىيەنىڭ ئىقتىسادىي پىلانىغا ئىشىنىدۇ
مىنىستىر مەھمەت شىمشەك ئامېرىكا قوشما ئىشتاتلىرىدىكى زىيارىتى ھەققىدە TRT گە بايانات بەردى.