ئىسرائىلىيەنىڭ ئىناۋەت دەرىجىسى تۆۋەنلىتىلدى

تۈركىيە ئاۋازى رادىيوسى خەۋىرى: خەلقئارا ئىناۋەت باھالاش ئورگىنى— Standard & Poor’s بايانات ئېلان قىلىپ، ئىسرائىلىيەنىڭ ئىناۋەت دەرىجىسىنىڭ «پاسسىپ» ئىكەنلىكى ئوتتۇرىغا قويدى.

ئىران بىلەن بولغان يېقىندىن بۇيانقى سۈركىلىشنىڭ، ئىسرائىلىيەنىڭ ئەسلىدىنلا ئېغىر بولغان سىياسىي جۇغراپىيەلىك خەۋپنى تېخىمۇ ئېغىرلاشتۇرۇۋەتكەنلىكىگە ئىشارەت قىلىنغان باياناتتا، توقۇنۇشلارنىڭ يىل بويى داۋام قىلىدىغاندەك قىلىۋاتقانلىقى قەيت قىلىندى.

باياناتتا، ئىسرائىلىيەنىڭ مۇداپىئە چىقىمىنىڭ ئېشىشى نەتىجىسىدە، ئومۇمىي خامچوت قىزىل رەقىمىنىڭ 2024-يىلى دۆلەت ئىچى ئىشلەپچىقىرىش ئومۇمىي قىممىتىنىڭ%8 گە ئۆرلەپ كېتىش مۇمكىنچىلىكى بارلىقى ئوتتۇرىغا قويۇلغان باياناتتا يەنە، ئىسرائىلىيە ئىقتىسادىنىڭ ئۆتكەن يىلنىڭ ئاخىرقى چارىكىدە %5.7 تۆۋەنلىگەنلىكى ئەسكەرتىپ ئۆتۈلدى.