يىلماز: تۈركىيەنىڭ ئافرىقا بىلەن بولغان  سودا ئومۇمىي سوممىسى 37 مىليارد دوللارغا يەتتى

تۈركىيە ئاۋازى رادىيوسى خەۋىرى: جەۋدەت يىلماز ئىستانبۇلدا ئۆتكۈزۈلگەن تۈركىيە-تانزانىيە سودا مۇنبىرى يىغىنىدا قىلغان سۆزىدە، 2023-يىلى تۈركىيەنىڭ ئافرىقا قىتئەىسى بىلەن بولغان سودا ئومۇمىي سوممىسىنىڭ 37 مىليارد دوللارغا يەتكەنلىكىنى تەكىتلەپ مۇنداق دېدى:

«بۇ مەزگىلدە ئېكسپورتىمىز 2 مىليارد 100 مىليون دوللاردىن 22 مىليارد دوللارغا، ئىمپورتىمىز 3 مىليارد 300 مىليون دوللاردىن 15 مىليارد دوللارغا يەتتى. تانزانىيە بولۇپمۇ يېقىنقى مەزگىللەردىكى  ئىسلاھاتلىرى ۋە يەتكۈسى تەرەققىيات نىشانلىرىنىڭ تۈرتكىسىدە ئېلىمىزنىڭ ئافرىقا قىتئەسىدىكى ئەڭ مۇھىم سودا شېرىكلىرىنىڭ بىرىگە ئايلاندى.»

يىلماز تۈركىيەنىڭ دوستانە دۆلەت تانزانىيە بىلەن 2003-يىلى تەخمىنەن 11 مىليون دوللار بولغان ئىككى تەرەپلىك سودا ئومۇمىي سوممىسىنىڭ 2023-يىلى 350 مىليون دوللارغا يەتكەنلىكىنى قەيت قىلدى.

مۇئاۋىن جۇمھۇر رەئىس جەۋدەت يىلماز يەنە تۈركىيە-تانزانىيە سودا مۇناسىۋەتلىرىدىكى يوشۇرۇن كۈچتىن تولۇق پايدىلىنىشنىڭ ۋاقتى يېتىپ كەلگەنلىكىنى ئەسكەرتىپ مۇنداق دېدى:

«خۇدايىم بۇيرۇسا، 21-ئەسىر چوقۇم ئافرىقا ۋە تۈركىيە ئەسىرى بولىدۇ.»