تۈركىيەنىڭ چاي ئېكىسپورتى 8 مىليون 500 مىڭ دوللارغا يەتتى

تۈركىيە ئاۋازى رادىيوسى خەۋىرى: شەرقىي قارادېڭىز ئېكسپورتچىلار جەمئىيىتىنىڭ سانلىق مەلۇماتلىرىغا قارىغاندا، تۈركىيەدە ئىشلەپچىقىرىلغان چاي بۇ يىل 3 ئاي ئىچىدە 96 دۆلەت، ئاپتونوم  رايون ۋە ئەركىن سودا رايونىغا ئېكىسپورت قىلىنغان.

2023-يىلى 1-ئايدىن 3-ئايغىچە 7 مىليون 107 مىڭ 943 دوللار بولغان چاي ئېكىسپورتى بۇ يىل ئوخشاش مەزگىلىدە % 20 ئېشىپ، 8 مىليون 555 مىڭ 356 دوللارغا يەتكەن.

بۇلتۇرنىڭ بىرىنچى پەسلىدە 1465 توننا بولغان تۈركىيەنىڭ چاي ئېكسپورتى بۇ يىل ئوخشاش مەزگىلدە 1828 توننىغا يەتكەن.

تۈرك چېيىغا بولغان ئەڭ يۇقىرى تەلەپ بېلگىيە، ئەنگىلىيە ۋە ئامېرىكادىن كەلگەن.

بۇلتۇرقىنىڭ ئوخشاش مەزگىلدىكىدىن پەرقلىق ھالدا بۇ يىل لىبېرىيە، ماۋرىتانىيە، كىرودىيە، كامېرون، گابون، پولشا، تۇنىس، مىسىر، جەنۇبىي سۇدان، دۇبەي، بۇرۇندى، بىرازىلىيە، ئوتتۇرا ئافرىقا جۇمھۇرىيىتى، ۋېنېزۇئېلا ، ئېكۋاتور گىۋىنىيەسى، كۇبا، جىبۇتى، ئانگولا ۋە گامبىيەگە چاي ئېكىسپورت قىلىنغان.