پەلەستىن ئىقتىساد مىنىستىرى تۈركىيەنىڭ پەلەستىن توغرىسىدىكى قارارىغا يۇقىرى باھا بەردى

تۈركىيە ئاۋازى رادىيوسى خەۋىرى: پەلەستىن ئىقتىساد مىنىستىرلىقى يازما بايانات ئېلان قىلىپ، ئۇسەيلىنىڭ، مەزكۇر قارار مۇناسىۋىتى بىلەن تۈركىيەگە مىننەتدارلىق بىلدۈرگەنلىكىنى ۋە قارارغا «ئىككى دۆلەت ئوتتۇرىسىدىكى ئىقتىسادىي ۋە سودا ھەمكارلىقىنى تەرەققىي قىلدۇرۇش يولىدا تاشلانغان ئىستراتېگىيەلىك قەدەم» دەپ باھا بەرگەنلىكىنى ئۇقتۇردى.

باياناتتا كۆرسىتىلىشىچە، ئۇسەيلى بۇ قارارنىڭ «پەلەستىن ھۆكۈمىتىنىڭ ئىقتىسادىنى ئىسرائىلىيە ئىشغالىيىتىدىن تەدرىجىي ئايرىشى، پەلەستىننىڭ ئىشلەپچىقىرىشىنى كۆپ خىللاشتۇرۇشى، ئىمپورتنى ئاشۇرۇپ، ئېكسپورتقا ئىلھام بېرىشى» جەھەتتىن مۇھىم ئىكەنلىكىنى تەكىتلىگەن.