türkiye eskerliri somali qisimlirigha herbiy telim bermekte
türkiye eskerliri mughdishuda somali qisimlirigha somaliliq herbiy ofitsérlerni terbiyelep bérish xizmetlirini dawamlashturmaqta.
türkiye awazi radiyosi xewiri: herbiy telim – terbiyening eng muhim nuqtiliridin birsi mana bu yerde.
türkiye eskerliri somaliy armiyesining her qandaq sharaitqa maslishalishi üchün alahide qattiq jismaniy meshiqlerni qildurmaqta.
türk wezipe ötesh qisimliri dairiside somaliliq 100 neper herbiy ofitsér we 50 neper muawin ofitsér telim almaqta.
telim – terbiye dairiside her 3 ayda bir déwiziye terbiylinip chiqidu.
türkiye eskerlirining bu alahide telim terbiyesi tunji méwilirini bérishke nashlidi.
brigida komandiri abdullahi qoshumche somali herbiy mektipi qomandani warsame takar mundaq «türkiye eskerliri 3 ayda bir déwiziye eskerlirimizni terbiylep berdi. ularning tebiyesi bilen téximu intizamchan bir armiyeni yétishtürüp chiqmaqtimiz» dédi.
türkiye eskerliri bériwatqan telim – terbiye peqetla herbiy telimdin ibaret emes. tarix we türk tili derslirimu alahide diqqetni tarmaqta.
bazida türkiye armiyesining barliq qisimliridin eskerler bar. déngiz armiyesimu shularning arisida.
mughdishudiki türkiye armiye bazisida yene, somaliliq eskerlerning salametlikigimu alahide köngül bölünmekte.
terbiye alghan somaliliq herbiy ofitsérler we muawin ofitsérler intayin xoshal.
herbiy mektep oqughuchisi smail abdullah muhemmed: «500 yil ilgiri somali qéyin ehwaldiki chaghda türkiye kélip yardem qilghan idi.bügünmu yene qéyin ehwalda qalduq. türkiye bu qéyin künlirimizde yene yénimizda boldi» dédi.
muawin herbiy ofitsér we herbiy mektep oqughuchisi nejip seyyid elimu: «türkiyege we türkiye pirézidénti erdoghangha rexmet oquymiz. biz silerni intayin yaxshi körimiz, türkiyeni intayin yaxshi körimiz» dédi.
türkiye eskerliri bu yerde peqetla telim terbiye bermeydu, belki nurghunlighan insaperwerlik paaliyetlirigimu qatnishidu. xuddi mushu yerde boluwatqangha oxshash. bu mektepte tamlarning ehwali intayin nachar idi. boyidi we ret boyiche rémunt qildi. hazir bu yer pak – pakiz, yashlar oqumaqta.
mektep mudiri muhemmed yusuf: «türkiye eskerlirining bu yerde bolghanliqidin intayin xoshalmiz we iptixarlinimiz. biz ularni bek yaxshi körduq. ular bizning qelbimizdin orun aldi» dédi.
