«deslepte méni urushti, andin tashlap qoyushti»
israiliye eskerliri teripidin döshkellinip, nazaretke élinghan down sindromi késili bar pelestinlik yash, nazaretke élinish jeryanida bashtin kechürgenlirini bu sözler bilen ipadilep berdi.
pelestinlik ösmürlerge qilghan zulumliri bilen köpinche küntertipke kélip turidighan israiliye eskerliri, ishghaliyet astidiki elxelilde yene bir shermendichilikini namayan qildi.
29 yashliq, down sindromi késili bar muhemmed tawil kocha otturisida urup döshkilinip nazaretke élinghan idi.
uning üstige bu tünji ish emes idi.
israiliye eskerliri buningdin ilgirimu down sindromi késili bolghan pelestinlik bir yashqa yene mushundaq mudaxile qilghan idi.
wetini ishghaliyet astida qalghan pelestin xelqi trampning shermendilerche quddus qararidin kéyin naraziliqlirini dawamlashturmaqta.
16 yashliq fewzi juneydimu pelestindiki naraziliq namayishining simwoligha aylanghan idi.
taghisi reshad juneydige türkiyening ammiwiy teshkilatliri teripidin qollash mektupliri yollandi.
reshad juneydi yekshenbe küni enqerede ötküzülidighan quddus yighilishigha teklip qilindi.
