erdoghan: yawropaning qimmet ölchemlirige bolghan ishench tewrinip ketti
dölitimiz (türkiye jumhuriyiti) jumhur reisi rejep tayyip erdoghan «yawropa küni» munasiwiti bilen bayanat élan qildi.
türkiye awazi radiyosi xewiri: jumhur reis rejep tayyip erdoghan «yawropa küni» munasiwiti bilen élan qilghan bayanatida, yawropa ittipaqini «türkiye bilen bolghan munasiwetlerni <ehdige wapa qilish pirinsipi> dairiside adil hem netijige érishtürüsh nishani asasida qanat yaydurush» qa chaqirip mundaq dédi:
«yawropa ittipaqining munasiwetlirimizni qatmal haletke chüshürüp qoyuwatqan siyasetlerni yolgha qoyush we bayanatlarni bérishtin saqlinishi nahayiti zor ehmiyetke ige. yawropa ittipaqining dunyawi küchke aylinishighimu selbiy tesir körsitiwatqan dölitimizge qarita chetke qéqish siyasiti aldida, türkiye özining istratégiyelik imkaniyetliridin paydilinip, rolini toluq jari qildurush we tereqqiy qildurushtin qetiy waz kechmeydu.»
erdoghan yawropa qitesi miqyasida islam düshmenliki, chet elliklerge öchmenlik qilish we irqchiliqning künséri ewj élip kétiwatqanliqini, buning tolimu endishilik ehwal ikenlikini tekitlep mundaq dédi:
«yawropadiki türk jamaitini kemsitish we öchmenlik qilish jinayiti kündin-künge omumlishiwatidu.»
jumhur reis erdoghan bayanatida, pelestindiki insaniy tiragédiye heqqide toxtilip: «ghezze kirizisige qarita yawropadiki bir qisim organlar we döletlerning yolgha qoyuwatqan siyasetliri yawropaning qimmet ölchemlirige bolghan ishenchning tewrinip kétishige seweb boldi» dédi.
