erdoghan: iraqning p k k ni térrorluq teshkilati dep élan qilishini ümid qilimiz

türkiye awazi radiyosi xewiri: jumhur reis erdoghan ichki kabént yighinidin kéyin élan qilghan bayanati jeryanida, aridin 13 yil ötkendin kéyin, nurghun kishidin teshkil tapqan bir wekiller ümiki bilen birlikte emelge ashurghan ötken aydiki (aprél) iraq ziyaritining nahayiti muhim ehmiyetke ige ikenlikini tekitldi.

iraq hökümitining p k k ni «cheklengen teshkilat» dep jakarlishining muhim bir qedem ikenlikini otturigha qoyghan erdoghan: «biz p k k ning térrorluq teshkilati dep élan qilinishini kütüwatqanliqimiznimu bildürduq. héchqandaq bir dölet bundaq bir tehditke sel qarisa bolmaydu. aldimizdiki mezgilde bölgünchi teshkilatqa zerbe bérimiz. qilishqa tégishlik ishlarni qilishtin bash tartmaymiz» dédi.

türkiyening térrorizmgha qarshi turush iradisining qetiy ikenlikini tekitligen erdoghan: «süriyede ittipaqdashlirimiz teripidin bérilip orunlanmighan wediler sewebidin chala qalghan ishimizni, waqti kelgende, choqum tamamlaymiz. aldimizdiki mezgilde iraq we süriyediki herbiy heriketlirimiz netijiside heriket sahesi xélila tariyip ketken  bölgünchi teshkilatqa téximu qattiq zerbe bérimiz» dégenlerni qeyt qildi.