istanbulda israiliyening irqiy qirghinchiliqigha qarshi keng kölemlik namayish ötküzüldi
insan heq - huquqliri we hörriyetliri/ insanperwerlik yardem fondi jemiyiti (IHH) pelestinning azadliqi üchün istanbuldiki aya sofiya jami sheripning aldidin iminönö meydanighiche yürüsh qilish paaliyiti ötküzdi.
türkiye awazi radiyosi xewiri:kechte aya sofiya jami sheripning aldigha yighilghan minglighan kishi qolidiki meshellerni kötürüp, iminönö meydanigha qarap yürüsh qildi.
amérika pirézidénti jo baydin we israiliye bash ministiri bényamin nétanyahuning qorchaqlirinimu kötürüp chiqqan namayishchilar, israiliyening ghezzege qiliwatqan wehshiyane hujumlirigha narziliq bildürdi.
nurghunlighan kishi qatnashqan yürüshning axirida, iminönö meydanida quran oquldi we dua qilindi.
senetchi murat bozkurt pelestin üchün naxshisini orundidi.
yürüshke qatnashqan firansiyelik paaliyetchi we xelqara qanun proféssori frank romano namayishta sözligen nutuqida, pelestinliklerning yénida bolghanliqi we eminönö aldigha yéghilghan xelq bilen bille bolghanliqidin xushalliq hés qilghanliqini éytti.
proféssor frank romano ghezzege baridighan filot heqqidimu toxtilip, «men filotlarning yolgha chiqishidin hergiz ümidimni üzmidim. elwette yolgha chiqimiz. qirghinchiliqni we pelestinliklerning qarshiliq körsitiwatqanliqini körgenlikimiz üchün ümidimni yoqutup qoymidim. ishininglarki, pelestin xelqi silerning ular bilen bille ikenlikingizni bilidu» dédi.
istanbulda 20 uniwérsitétning oqughuchilirimu bayazit meydanigha yighilip israiliyening ghezzege qiliwatqan wehshiyane hujumlirigha naraziliq bildürdi.
