fahrettin altun türkiye-amérika jemiyitining paaliyitide xelqqe xitab qildi
jumhur reislik mehkimisi uchur - alaqe idarisi bashliqi fahrettin altun türkiye-amérika jemiyitining medeniyet munasiwetliride muhim köwrüklük rol oynawatqanliqini éytti.
türkiye awazi radiyosi xewiri: fahrettin altun amérikaning nyu-york shehiride ötküzülgen «41 - nöwetlik türkiye küni yürishi» munasiwiti bilen madison meydani baghchisidiki türkiye-amérika jemiyiti paliyitide xelqqe sinliq ulinish arqiliq xitab qildi.
fahrettin altun 80 yildin buyan mewjut bolup kéliwatqan shundaqla kündin-künge tesiri küchiyiwatqan amérikaning küchlük we dinamik bir parchisigha aylanghan türkiye-amérika jemiyitining türkiye-amérika medeniyet munasiwetliride muhim köwrüklük rol oynawatqanliqini bildürdi.
fahrettin altun türkiye-amérika jemiyitining «türkiye dölitining wekili we diplomat puqraliri» dep qarilidighanliqini eskertip: «biz silerning amérikadiki ammiwi teshkilatlar ichidimu aktip rol oynishinglarni we eshu jemiyetning ünümlük bir parchisigha aylinishinglarni her waqit qollaymiz» dédi.
fahrettin altun tinchliq, démokratiye we parawanliq jehette ortaq köz qarashqa ige , texminen 70 yilgha yéqin ittipaqdashliq munasiwiti bolghan ikki döletning siyaset, iqtisad we medeniyet jehette téximu yéqin munasiwet ornitishning türkiye-amérikaxelqlirining töhpisi bilen mumkin bolidighanliqini tekitlidi.
fahrettin altun yene, amérika mesulliridin musulman we türk jamaitige qarita öchmenlik qilish heriketlirige qarshi küchlük tedbirlerni yolgha qoyushni ümid qilidighanliqini uqturdi.
