somali bash ministiri türkiyening özgermes ittipaqdash ikenlikini bildürdi
somali bash ministiri hemze abdi barre türkiyening özliri üchün «özgermes ittipaqdash» ikenlikini éytti.
türkiye awazi radiyosi xewiri: somali xewer agéntliqi sonna (SONNA) ning xewirige qarighanda, abdi barre türkiyening muqdishuda turushluq bash elchisi qilip teyinlengen alper aktashni qobul qilghandin kéyin élan qilghan bayanatida, ikki dölet munasiwetliri üstide toxtalghan.
u somalining türkiye bilen bolghan qérindashliq we hemkarliq tarixining chongqur yiltiz tartqanliqini tekitlep: «türkiye bizning özgermes ittipaqdishimiz» dédi.
u bash elchialper aktashni yéngi xizmiti munasiwiti bilen tebriklep, somalini qiyin mezgillerde qollighan türkiyening oxshimighan tereqqiyat türlirige muhim töhpilerni qoshqanliqini alahide eskertti.
bash elchi alper aktash ikki dölet munasiwetlirini kücheytishni dawamlashturidighanliqlirini bildürüp, somali hökümiti we xelqining méhmandostluqidin memnun bolghanliqini tilgha aldi.
