fidan p k k ning qutratquluqliri toghrisida toxtaldi
türkiye jumhuriyiti tashqi ishlar ministiri fidan, türkiyening zerbe bérish heriketliri netijiside bolunggha qistilip qalghan bölgünchi térrorluq teshkilati — p k k ning özige kengchilik qilip kéliwatqan yawropa döletliride térror wehimisi peyda qilghanliqini éytti
türkiye awazi radiyosi xewiri: ministir xaqan fidan istanbulda ötküzülgen bir paaliyette söz qilip, yéqinqi künlerde p k k terepdarlirining bélgiyening oxshimighan ikki shehiride türkiye puqralirigha peskeshlerche hujum qilghanliqini eskertti.
«ular gérmaniyening xannowér shehiridiki konsulxanimizgha hujum qilghudek derijide heddidin ashti» dégen fidan, firansiyedimu mushuninggha oxshash qutratquluq qilish urunushlirining körülgenlikini tekitligendin kéyin, sözini dawamlashturup: «p k k biz zerbe bergenséri bolunggha qistalmaqta, bolunggha qistilip qalghanséri, uzun yillardin buyan uninggha kengchilik qilip kéliwatqan yawropa döletliride térror wehimisi peyda qilmaqta. dölitimiz bolsa, puqralirini her qandaq ehwalda qoghdaydu. mesile mushunchilik addi» dégenlerni qeyt qildi.
