bélgiyede térrorluq teshkilati qollighuchiliri türkiye puqralirigha hujum qildi
edliye ministiri yilmaz tunch bélgiyede bölgünchi térrorluq teshkilati p k k qollighuchilirining türkiye puqralirigha qilghan hujumini qattiq eyiblidi.
türkiye awazi radiyosi xewiri: ministir yilmaz tunch ijtimaiy alaqe bétidiki yazmisida: «xain térrorluq teshkilati p k k qollighuchilirining bélgiyediki puqralirimizning jemiyetlirige qilghan hujumlirini qattiq eyibleymen we lenetleymen. hujumda yarilanghan puqralirimizgha baldurraq shipaliq tileymen» dédi.
yilmaz tunch türkiye bolush süpitimiz bilen her daim türkiye puqralirini qollaydighanliqlirini we hujum qilghuchilar heqqide bashlanghan tekshürüshni yéqindin közitiwatqanliqlirini tekitlep: «shuni untup qalmasliq kérekki, térrorluq insaniyetke qarshi jinayettur. térrorluqning dini, tili, irqi we mezhipi bolmaydu. xain térrorluq hujumliri meyli qeyerde yüz bersun, ijtimaiy tinchliq, jemiyet tertipi we insaniy qedir-qimmetke zor tehdit hésablinidu. pütün térrorluq teshkilatlirigha, qollighuchilirigha we hemkarlashquchilirigha qarshi barliq döletler éniq pozitsiye bildürüshi shundaqla ortaq pozitsiye tutushi lazim» dédi.
bélgiyening limburg shehiri etrapida aldinqi küni bölgünchi térrorluq teshkilatining simwoli we atalmish rehbirining resimini kötürüshüp namayish qilghan bir guruppa bilen türkiye puqraliri otturisida ixtilap yüz bergen bolup, weqede bir qisim kishileryarilanghan idi.
