خىرقەئى شەرىف بۈگۈن زىيارەتچىلەرگە ئېچىۋېتىلدى

تۈركىيە ئاۋازى رادىيوسى خەۋىرى: ھەر يىلى رامىزاننىڭ بىرىنچى جۈمە كۈنى زىيارەت ئېچىلىدىغان خىرقەئى شەرىف بۈگۈن تۈركىيە ۋاقتى سائەت 10:00 دا زىيارەتچىلەرگە ئېچىۋېتىلدى.

خىرقەئى شەرىفنى رامىزان ئېيى بويىچە ھەپتە ئىچىدە ئەنقەرە ۋاقتى سائەت 10:00 دىن سائەت 17:00 گىچە، ھەپتە ئاخىرلىرىدا سائەت 09:00 دىن سائەت 17:30 غىچە بولغان ئارىلىقتا زىيارەت قىلىپ كۆرگىلى بولىدۇ.

مۇھەممەد ئەلەيھىسسالامنىڭ ۋەسىيىتىگە ئاساسەن، ۋەيسەل قارانىغا سوۋغا قىلىنغان — مۇقەددەس يادىكارلىقلارنىڭ بىرى بولغان خىرقەئى شەرىف، 1851-يىلىدىن بۇيان ئىستانبۇلنىڭ فاتىھ رايونىدا ئۇنىڭ نامىدا سېلىنغان خىرقەئى شەرىف جامەسىدە ساقلانماقتا.

مۇھەممەد ئەلەيھىسسالامنىڭ ئامانىتى بولغان خىرقەئى شەرىف بۈگۈن ۋەيسەل قارانىنىڭ 58- ۋە 59-ئەۋلاد نەۋرىلىرى تەرىپىدىن ساقلىنىپ، زىيارەتچىلەرگە ئېچىلماقتا.

5-ئاپرېل قەدىر كېچىسى بولسا، زىيارەت تەراۋىھ نامىزىدىن كېيىن باشلىنىپ، تۈركىيە ۋاقتى سەھەر سائەت 03:00 كىچە داۋاملىشىدۇ، خىرقەئى شەرىفنى زىيارەت قىلىش 9-ئاپرېل ھارپا كۈنى ئەسىر نامىزىدىن كېيىن، دۇئالار بىلەن ئاخىرلاشتۇرۇلىدۇ.