pelestin xelqining utuqqa érishishi üchün türkiye muhim rol oynaydu

türkiye awazi radiyosi xewiri: xaqan fidan wénézuélaning paytext karakasta wénézuéla tashqi ishlar ministiri ywan gil bilen körüshkendin kéyinki birleshme axbarat élan qilish yighinida söz qildi.

ministir xaqan fidan türkiye bilen wénézuélaning her sewiyede intayin ünümlük we yaxshi munasiwetni saqlap kelgenlikini, iqtisad, soda, kanchiliq, énérgiye, déhqanchiliq we sayahet qatarliq sahelerde zor yoshurun küchke ige ikenlikini eskertti.

xaqan fidan: «türkiyening rayongha qaratqan siyasitide wénézuéla intayin muhim orungha ige. biz bolupmu rayon xaraktérliq mesililer we xelqaraliq mesililerde wénézuéla bilen ortaq meydanda turup kelgen nurghun ishlar bar, bilgininglardek bularning ichidiki eng muhim mesile pelestin mesilisidur» dédi.

xaqan fidan pelestinde dawamlishiwatqan adaletsizlik, zulum, qanunsizliq, qosh ölchem we xelqara sitémidiki chirip kétishke qarshi tutqan meydani üchün wénézuéla pirézidénti nikolas maduro we tashqi ishlar ministiri gilgha rehmet éytidighanliqini bildürüp, «bu meydandiki döletlering sanining éshishigha egiship, heqiqiy peyda bolidighan bésim téximu küchiyidu we biz birlikte bu zulumning aldini alalaymiz» dédi.

wénézuéla tashqi ishlar ministiri gilmu pelestin xelqini qoghdash we irqiy qirghinchiliqni eyibleshte ikki döletning ortaq meydanda turup kelgenlikini eskertip, jumhur reis rejep tayyip erdoghanning pelestinge tutqan pozitsiyesidin özlirining «pexirlinidighanliqlirini», erdoghanning maduro bilen birge israiliyening qilmishlirini eyibligenlikini bildürdi.

wénézuéla tashqi ishlar ministiri gil: «israiliyening pelestin xelqige qilghan irqiy qirghinchiliqini we hujumlirini eyibleymiz. türkiyening islam dunyasidiki rehberlikini, musulmanlar dunyasidiki rehberlikini we rayondiki rehberlikini qedirleymiz. biz pelestin xelqining utuqqa érishishi üchün türkiye muhim rol oynaydu, dep qaraymiz» dédi.