türkiye israiliyening qirghinchiliqigha naraziliq bildürdi

türkiye awazi radiyosi xewiri: türkiye jumhuriyiti tashqi ishlar ministirliqi israiliye tashqi ishlar ministiri yisrail katzning ijtimaiy taratqudiki uchuri toghrisida yazma bayanat élan qilip: «jumhur reis (rejep tayyip) erdoghan israiliyening pelestinliklerge qarshi sadir qilghan kechürgüsiz jinayetlirini dadilliq bilen eyibleydu. türkiye israiliye teripidin élip bériliwatqan qirghinchiliqqa xatime bérish hemde israiliyening xelqara jemiyet teripidin chetke qéqilishini qolgha keltürüsh üchün boshashmay tirishiwatidu.

bir qisim israiliyelik siyasetchilerning türkiyeni we uning jumhur reisi erdoghanni asassiz eyibleshliri, hörmetsizlik bilen hujum qilishining sewebi budur. (nöwette) ashqun israiliye hökümitining irqiy qirghinchiliq siyasiti pelestinlikler üchünmu, israiliyelikler üchünmu tehditke aylandi» dégen ibarilerge orun bérildi.

türkiyening israiliyening pelestinliklerge qaratqan irqchi shundaqla naheq siyasetlirini küntertipke élip kirishni dawamlashturidighanliqigha isharet qilinghan bayanatta, pelestinlikler öz zéminida öz dölitige ige bolghuche türkiyening bu heqqaniy dewani qoghdaydighanliqi tekitlendi.

israiliye tashqi ishlar ministiri katz jumhur reis erdoghanning israiliye bash ministiri bényamin nétanyahu toghrisidiki sözlirini hembehriligen we erdoghangha töhmet qilghanidi.